සංගීත ගුරා සිසුවියන් සිවුදෙනෙකු අපයෝජනය කරලා

නිකවැරටිය ජනප්‍රිය පාසලක සංගීත ගුරුවරයකු විසින් එම පාසලේ සිසුවියන් සිවුදෙනකු අපයෝජනය කර ඇති බවට නිර්නාමික පැමිණිලි සහ දුරකතන පැමිණිලි රැසක් ලැබී ඇති බව පොලීසිය පවසයි. මේ පිළිබද දරුවන්ගේ මවුපියන්

 විසින් තම දරුවන්ට සිදුවිය හැකි අපවාද ගැන සිතා පොලීසියට සෟජුව පැමිණිලි නොකිරීම හේතුවෙන් මෙම ගුරුවරයා අත්අඩංගුවට ගැනීමට නොහැකි වී ඇති අතර මෙම සිදුවීමට අදාළ පාසලේ විදුහල්පති මෙන්ම ගුරු භවතුන් ඇතුළු පිරිසක් මෙම ගුරුවරයා ආරක්ෂා කිරීමට පියවර ගෙන ඇති බවද පොලිස් ආරංචි මාර්ග පවසයි.

මවුපියන් පවසන්නේ ජනප්‍රිය පාසලක මෙවැනි සිදුවීම් ප්‍රසිද්ධියේ සිදුවෙද්දි අදාළ පාසල් හා ආයතන ප්‍රධානීන් මුනිවත රකිද්දි ඉදිරියේදී තම පාසලට දරුවකු එවීම පවා ගැටලුවක් වී ඇති බව මව්පියෝ පවසති. එම ගුරුවරයා නගරයේ පිසිද්ධ ව්‍යාපාරිකයකු බවත් ඒ හරහා ඔහුට ඇති චෝදනා සියල්ල ධනය හා බලය උපයෝගි කරගෙන යට ගැසීමට පියවර ගෙන ඇති බවත් මවුපියෝ වැඩිදුරටත් පෙන්වා දෙති.